கவித்திருடன்

  தன் குட்டி வலக்கையால்  தன் குட்டித் தலையை  பற்றி  இட குட்டிக் கையால்  வல குட்டிக் கையை  பற்றி  எதை பற்றியும்  கவலைப்படாமல்  தூக்கம்  பற்றிக் கொண்டு  படித்திருக்கும்  என் குழந்தையை  நான் பற்றிக் கொள்ள  என்னை  இந்த  கவிதை பற்றிக் கொண்டது ! நிமிடம்  கவிதையை புறக்கணித்து  நீளம் தாண்டி விளையாட  பள்ளி செல்ல  தாமதம் ஆனது  என் மூத்த மகளுக்கு ! மெதுவாய் புறப்படும்  கலையை அவள்  பற்றிக் கொள்ள  அவள் மேல்  கோபத்தை நான்  பற்றிக்கொள்ள  பள்ளி அடைந்தோம்  பத்து நிமிட தாமதத்தை  பற்றிக் கொண்டு . வரிசையில்  நிற்கிறாள் என் மகள்  ஆசிரியரின்  வசையைப்  பற்றிக் கொண்டு  இத்தனைக்கும்  காரணம்  இந்தக் கவிதையின் பிறப்பு  பற்றிக் கொள்கிறேன்  இந்த  இன்பத்துன்பத்தை !