திருட்டு 95 - வாழ்க்கையோடு விளையாடு !
கருவறை மர்மங்கள்
உடையும்
நாள் !
மூன்றாம் மாதம்
மூன்றாம் நாள்
மூன்றாம் நபர்
என் இல்லத்தில்
இணையும்
நாள் !
வரும்
முதல் நொடியிலேயே
பலருக்குப்
பதவிப்பிரமாணம்
செய்யும் நாள் !
அப்பாவாக
அம்மாவாக
தாத்தாவாக
பாட்டியாக
சித்தப்பாவாக
பெரியம்மாவாக
அழுகை இசையின்
பின்னணியோடு
ஒரு வாழ்க்கை
தொடங்கும்
நாள் !
என் வித்தை
சுமந்து
செல்லும்
பொறுப்பை
ஏற்கும்
நாள் !
எங்கள்
உள்ளங்களில்
மகிழ்ச்சியை
ஏற்றும்
நாள் !
இந்நாள்
அந்நாள்
உயிரே !
வரவேற்கிறோம் !
பாசக் கம்பளம் விரித்து
மகிழ்ச்சித் திரவியம் தெளித்து
அக்கறை ஆடை உடுத்தி
உற்சாகக் கெட்டி மேளம் தட்டி
வரவேற்கிறோம் !
இனி
இந்த
உலகம் உன் கையில் !
வா !
வாழ்க்கையோடு விளையாடு !
Comments
Post a Comment