கவித்திருடன்

அங்கு ஏன் கர்த்தர் சிவன் விஷ்ணு புத்தர் அல்லா எல்லாரும் வரிசையில் நிற்கிறார்கள் தெரிகிறதா  ? குழந்தைத்  தூங்குகிறது தேவ தரிசனம் செய்ய வந்திருக்கிறார்களாம்! வரிசையில் நிற்கும் அத்தனைக் கடவுள்களிடமும் ஒரு கேள்வி கேட்க வேண்டும் ! நிலாவை சுத்தம் செய்து கருவறையில் வைக்கிறார்களாமே ? குழந்தையே ! அதென்ன சிரிப்பை அடி வயிற்றில் அரைத்துக் குலுங்கிக்  குலுங்கிச் சிரிக்கிறாய் ? வளர்ந்துக் கெட்டவர்களைப் பார்த்து நகைப்போ ? தயவு செய்து அப்படிப் பார்க்காதே என் ஆன்மா நிர்வாணமாகிக் கூச்சப்படுகிறது!