கவித்திருடன்

எமன் இப்பொழுதெல்லாம் எருமையில் பயணிப்பது இல்லையாம்! நவீன தொழில்நுட்பத்திற்கு 'அப்கிரேடு' ஆகிவிட்டான் ! சாவுச் சங்கு  ஊதிக்கொண்டே தினமும் காவு வாங்கிக்கொண்டிருக்கிறான் மும்பை ரயில்களில் ! சத்தமில்லாமல் சுத்தம் செய்துக்கொண்டிருக்கிறான் மனிதத்தை ! என்று தணியும் இந்த எம ராஜ்ஜியம் ? எமலோகத்தில் இடமில்லை என்று சொல்லும் வரையா ? தினசரி பலிகளை செய்தித்தாள்களில் முதல் பக்கத்தில் வெளியிடும் வரையா ? தினம் பத்து பேர் எமலோகத்தில் ரயில் பயணச் சீட்டுடன் சேர்கிறார்களாம்! பயணச் சீட்டில் அச்சுப் பிழையோ ?