கவித்திருடன்

புயல் கூட புறப்படும் ஒரு பட்டாம்பூச்சியின்  சிறகசைவில் ! வாழ்க்கையே திசை மாறும் பெண் பார்வையின் ஆழ்குழியில் ! பிரசவ வலியும் மறந்து போகும் தன் குழந்தையின் தரிசனத்தில் ! பேராட்சியும் கவிழ்ந்து போகும் ஒரு குடிமகனின் வாக்கினில் ! வரலாறும் முதுகொடியும் ஒரு சித்தாந்தத்தின் அறிமுகத்தில் ! பெருங்காடும் தீய்ந்து போகும் ஒரு தீப்பொறியின் பிறப்பினில் ! அட ! நான் கூட கவிஞன் ஆவேன் ஒரு பட்டாம்பூச்சியின் சிறகசைவில் !