கவித்திருடன்

ஒரு சில நாட்களாய் சென்னையில் வானத்தைக் காணவில்லை ! அடையாளம் : பகலில் நீலச் சட்டை அணிந்திருப்பான் கூடவே சூரியனும் சுற்றிக்கொண்டிருப்பான் இரவில் கருப்பு நிறச் சட்டை அணித்திருப்பான் நிலவோடு உலா செல்வான் கிடைத்தத் தகவல் : பூமி பிடித்த புகையில் மூச்சுத் திணறி ஓடியதாகச் செய்தி ! தகவல் தருவோருக்கு ஆரோக்கியமான  வாழ்க்கை சன்மானமாகத் தரப்படும் !

மூளை வருத்தப்படுகிறது இதயம் தூங்குகிறது என்று உயிர் கொடுத்தவள் வாழ விழி கொடுத்தவள் சோர்வாய் தலை சாய்த்துத் தூங்குகிறாள் எழும்ப வலு இன்றி பொறுப்புகளின் சுமையை மூளையிடம் கொடுத்துவிட்டு தன் பதவியை ராஜினாமா செய்துவிட்டு தூங்குகிறாள் மூளை நடத்தும் வாழ்க்கை ஓட்டம் தொடர்கிறது நடை பிணமாய் மனிதன் ரோபோவாக ரோபோ மனிதனாக இதயம் விழிப்பாளோ ?

கோடை காலம்  பகலில்  சூரியன் பெரியப்பா  அவரைக் கண்டுகொள்வதில்லை  என  ஓயாமல் தீ முறைக்க  மாதா  மாதம்  தவறாமல்  நலம் விசாரித்துவிட்டுச்  செல்கிறாள்  என் அத்தை மகள்  பௌர்ணமி  பாசக்காரி ! என் மேக மாமாவுக்கும்  அவளுக்கும்  ஒத்து வருவதில்லை  அவள் வரும்போது  இவர் வருவதில்லை  இவர் வரும்போது  அவள் வருவதில்லை  இருந்து விட்டுப் போகட்டும்  அடி  பௌர்ணமியே ! நம்  கூட்டுக்குடும்பம்  உடையாமல்  பார்த்துக்கொள்  அடுத்த  அமாவாசை  வரும்வரை !

குறுஞ்சியிடம் கேட்டுப்பார்த்தேன்  மருதத்திடம் மன்றாடினேன்  முல்லையிடம் முறையிட்டேன்  நெய்தலிடமும் கேட்டுவிட்டேன்  யாரும் கொடுப்பதாய் இல்லை  வெட்டி நிலம் பாலைவனம்  அதில்  சோகத்துடன் ஒரு உலா சென்றேன்  கிடைத்தது ! எனக்கும் ஓர் உருவம் !