கவித்திருடன்

நினைக்கவில்லை கவிதை எழுதுவேன் என உனக்கு ! என் ஈகோ சட்டையைக் கழற்றிவிட்டு நம் உறவுச் செடிக்குத் தண்ணீராக இக்கவிதை ! அன்று ! ஆசை மிட்டாய் திருடினாய் என்று அம்மாவிடம் சாட்சி சொன்னேன் ! கவிதை எழுத நினைவுக் கிடங்கை தேடிப் பார்த்ததில் இதைக் கண்டேன் ! காட்டிக் கொடுத்த குற்ற உணர்ச்சி அந்த நினைவுக்கு காவல் செய்கிறது இன்னும் ! அப்பாவின் ஆணையில் பள்ளி செல்வோம் தினமும் குட்டை சைக்கிளில் நீ முன்னே ! பாதுகாவலாக நெட்டை சைக்கிளில் நான் பின்னே ! மாவட்டத்தில் முதல் மாணவனாக நீ தேர்வானபோது நானே வென்றது போல் உணர்ந்தேன் ! இரு வேறு துருவங்களாய் நீயும் நானும் இன்று ! இறுக்கமான நேரங்கள் சிலவும் உண்டு ! இருந்தாலும் செல்வோம் ! தோள்பிடித்து ! வாழ்க்கையின் முட்டுச்சந்து வரை ! வாழ்க்கை உனக்கு ஒளித்து வைத்திருக்கும் ரகசியங்கள் நானறியேன் ! எதுவென்றாலும் தளராதிருப்பாய் அதை மட்டும் அறிவேன் ! வருடங்கள் பல கண்டுவிட்டோம் ஒன்றாய்! அடங்காது அத்தனையும்