கவித்திருடன்

வறுமைக்கோடாய் நிற்கிறது மேம்பாலம் மேலே வாகனம் ஓட்டுவோர்                          கோட்டிற்கு  மேல் ! கீழே வறுமைக்குப் பிறந்தோர்                             கோட்டிற்குக்  கீழ் ! மேலே அவசர வாழ்க்கையின் விளம்பரமாய் வாகனங்களின் இரைச்சல் ! கீழே புறக்கணிக்கப்பட்ட வாழ்க்கையின் விளம்பரமாய் மனித உயிர்கள் ! மேலே தத்தம் வீடுகளுக்கு விரைகிறார்கள் ! கீழே வீதியே தத்தம் வீடாக வரைகிறார்கள் ! இப்படி  மேலும் கீழும்  தாளம் போடுகிறது  முதலாளித்துவம் ! ஸ்ருதி தான் சரியில்லை !