கவித்திருடன்

மெய் வாய் கண் மூக்கு செவி இந்த ஐம்பொறிகளுடன் ஆறாம் பொறியாய் இணைந்தவள் நீ ! ஓட முடியாமல் களைத்துப் போன ஒலி அதிர்வுகளை இடம் விட்டு இடம் ஊர் விட்டு ஊர் நாடு விட்டு நாடு கண்டம் விட்டு கண்டம் சேர்த்தவள் நீ ! அரசர்களுக்குக் கூட கிடைக்காத சக்திகளை இணையத்தின் இரக்கத்தால் என் கைகளில் தந்தவள் நீ ! என் கைகளுக்குள் அடங்கி விடும் மந்திரக் கோல் நீ ! பேராசை காதலி போல் மனிதர்களின் முகத்தைவிட உன் முகத்தையே அதிகம்   பார்க்கவைத்தவள் நீ !  அடியே ! என் சக்களத்தி ! உன் சேலைக்குள் என்னை  மடக்கி வைத்தது போதும் கொஞ்சம் வெளியே விடேண்டி !